ත්‍රීවිල් වල රතට රතේ දිදුලපු
තරුවක් ගහගත්තු තොප්පි කාරයා........
බාගෙට රැවුළ වැවෙන සුදු හාදයා.
මං මුලින් ම හෙව්වේ මිනිහා ගැන.
කැම්පස් එකේ කැන්ටින් පුරා
රීඩින් රූම් පුරා මට මිනිහා හම්බුණා.
ලෝකයක් හොල්ලපු විප්ලවකාරයා......
අන්න මට විප්ලවය හම්බුණ තැන.
සුරුට්ටුවක් ගහගෙන පොතක් කියවන
මහා පෞරුෂයක් තිබුණ කින්ඩි හිනාකාරයා.
වයසක ෆොටෝ ඉතිරි නොකර මියගිය
ලෝකයේ මහා විප්ලව කාරයා............... මචං ඒ තමා චේ......
චේ............... කවුද මචං චේ කියන්නේ
ඒ තමා මචං චේ ගුවේරා.............
චේ කරාලු විප්ලවයක් කියුබාවේ.
එහෙනං හොයන්න වෙනවා කියුබාව ගැන
Cuban Revolution කියලා කෙටුවා විකියේ
මේ තියෙන්නේ සාගරේ වගේ විස්තරේ
මොන්කාඩාවෙන් පටන්ගෙන බැටිස්ටව පෙරළලා
ඒත් මොකාද මේ හැමතැනම කියන කැස්ට්‍රෝ?
මේ මෙතැනත් ඉන්නවා චේ ගාවින්ම
හත්තිලව්වයි දැන් රටේ ජනාධිපතිලු.
ඉතින් චේ විප්ලව කරානං ඇයි බං මුට දුන්නේ?
ඒ.... චේ නෙමෙයිලු බං නායකයා ෆිදෙල්ලූ.....
අඩෝ ඌත් පට්ට ලස්සනයිනේ බං ඒ කාලේ
ඒත් උගේ නාකි ෆොටෝමනේ බං තියෙන්නේ
59 ඉදන් රට කරනවාලු ඇමරිකාවට ෆුල් ගේමලු
ළගදී ඔබාමත් ගෙන්නුවාලු කකුල් දෙකගාවට....
එතකොට චේ නෙමෙයි ද බං පොර ෆිදෙල් ද ?
එ්ත් ඉතින් මුගේ රූප නෑනේ බං ත්‍රීවිල් වල..............
ෆිදෙල් ඔබට සුභ ගමන්.............
තුෂාර විතාරණ
.
