තරු කුසුම් ගෙත්තමේ
ඉඟි පාන මිහිරියේ
ඔබට පිදු හදවිලේ
කොඳ කැකුළු පිපෙන්නේ
සීතලෙන් වෙළුණු රෑ
හුදකලා අසපුවේ
පීරමින් නබෝ ගැබ
ඔබෙ එළිය සොයන්නේ
හෝ හඬින් හමන මේ
මඳ සුළඟ මාරුතේ
කොඳුරන්නෙ ඔබෙ නමයි
කඳු අතර නිම්නයේ
සඳකැනින් නැහැවෙනා
ඈත මිටියාවතේ
ඔබෙ රුවයි මැවෙන්නේ
රුවන් සිතුවමක් සේ
ඔබෙ සුසුම් උණුසුමක්
විමසනා සිත් කොනේ
තරු කිරණ සේ ඇවිත්
රැඳෙනු මැන කුමරියේ
අසංක ගයාන් අබේසිංහ
