Thursday, July 30, 2015

හිතේ සෙනෙහස පේන්නෑ පුත තුවක්කුව එය වහනවා ................



නුඹේ නිසසල ගත දකින ස දෑස කඳුලින් පිරෙනවා
අවි අමෝරං යුධ කළත් හිත තෙත ගතිය තව තියෙනවා
හිතේ සෙනෙහස පේන්නෑ පුත තුවක්කුව ය වහනවා
කොහොම අතහැර යන්නදෝ නුඹ මගේ පුතු සිහිකරනවා

සිගිති අත්පා මොලකැටිය පුත හිනැහිලා දුව පනිද්දී
සුන්දරයි තව අකුරු පටලං මුදු වදන් නුඹ කියද්දී
තෙමෙන නෙත්යුග වසා ගමි ඒ දසුන් මා නෙත අැදෙද්දී
අාදරේ දුක දැනෙන පපුතුර නුඹ නමින් ඉකිගහද්දී

උපන් නුඹ හට අාගමක් හා ජාතියක් බෙදලා තියේ
හෙව් අාගම් ජාති අවිගෙන බෙදී වෙන්වුණ ලෝකයේ
උනුන් වෙත අවි අමෝරාගෙන දෙවියන්ගේ තුරුළට ගියේ
මෙහෙව් අාගම් ජාති ගැන නුඹ දැනගෙනද මේ මියගියේ

අහිංසකකම නොතේරෙන අවි උණ්ඩ දෑතට ගනු පා
කිසිදු වරදක් නොමැති උන් වෙත ඉලක්කය හරියනු පා
යකඩ වාහන උණ්ඩ හසුරන නොමිනිසුන් බිහිවනු පා
බෙදී වෙන්වී මරාගන්නා ලෝකයක ඉපදෙනු පා .....................


තුෂාර විතාරණ


.

Sunday, July 26, 2015

අයියණ්ඩි......



දෙසවන් සැනසූ වදනක් නෑසෙයි - පාළු නිහඬ බව හද පාරයි
දෙකොපුල් රැන්දූ සුවයක් නොදැනේ - එහි රැඳුනේ කඳුලැලි පමණයි

පෙරදා ඔබ හිටි මිහිරි අතීතය - තවදුරටත් මට සිහිනයකි
අදහාගනු බෑ ඔබ ළඟ නැති බව - ඇයි හැරගියෙ මා අයියණ්ඩි

හැමදින එළඹෙන මොහොතක් පාසා - දෑස කෙවෙනවා ඉන්නට බෑ
උණුසුම් සුව පිරි පපුවේ තුරුළට - එන්නට අවසර දැන් මට නෑ

ගිලී ගියෙමි මා එකවර අඳුරේ - ඔබ කොයි ලෝකේ වසන් වුණේ
දැනේවිනම් මගෙ පපුවේ ගින්දර - එනු මැන නැවතත් අයියණ්ඩි

මුළු ලොව දැක්කේ ඔබගේ දෑසිනි - මගේ නෙත් වලින් පලක් නැතේ
ඔය මුව රැන්දූ සුවබර වදනින් - මා ලද සෙනෙහස අපමණ වේ

කැන්දූ සිනහව දල්වා ආලය - ඔබෙන් පමණි මා එය දුටුවේ
අනේ මගේ කඳුලක උණු ගින්දර - දැන් නොදැනේදෝ අයියණ්ඩි

තවත් මේ ලොවේ ඔබ නැති අඳුරේ - ඉන්නට බෑ මට මේ භවයේ
යන්නට ඕනේ කිසිවක් නොහැඟෙන - ලෝකයකට තව නොම දුක්වී

ඒත් කුමක් වෙනුවෙන් මා අද දින - නිමක් නොවී ඇයි මේ ලතවී
එකම එක් වරක් එන්නකො මා වෙත - යන්නට පෙර මා මින් නික්මී


අසංක ගයාන් අබේසිංහ

Saturday, July 25, 2015

බත් කාලා කන්න පුඩිං..............................



මතකද මුල් ම කාලේ
හැම දේම අතට පයට
බත් ක බෙදලා දෙනවා විතරද
කවන්නද කියලත් අහනවා.
බත් කාලා කන්න 
පුඩිං, වටලප්පං, ජෙලි හෝ ගාලා.
සීනි වලට වතුර දාපු තේ ඒක 
අතට ම ගෙනැත් දෙනවා
පොවන්නැති ටික විතරයි ..........................

මතකද ඊට පස්සේ

සැලකිල්ල අඩුවුණාට
කෑම ටික නං රහට ලැබුණා
තේ කත් වෙලාවට නවා
ජෙලි පුඩිං නැතුවත් 
කෙහෙල් ගෙඩියක් තියෙනවා
කැටයං නැතුවට බඩ පිරෙනවා.......................

ඒත් දැන්

හදිස්සියකට කෝල් කරාට 
ෆෝන් කවත් උස්සනවද ?
බත් කවනවා තියා 
බත් ක බෙදලාවත් දෙනවද ?
තේ .............
දෙතුන් පාරක් ඉල්ලනකල් ලැබෙනවද ?
මොන පුඩිංද
ටොපියක්වත් ගෙනැත් දෙනවද ?


තුෂාර විතාරණ




.

Friday, July 24, 2015

සුභ උපන්දිනයක් ම වේවා...................



යනෙන මග ජය ටැඹ දකීවා
ගොඩනැගෙන බාධක බිදේවා
දුටු සිහින හැබැහින් දකීවා
සුභ උපන්දිනයක් ම වේවා...........

සිනා හසරැල් මල් පිපේවා
නෙතින් කදුලක් නොම නැගේවා
සිතින් නිදහස සුව ලැබේවා
සුභ උපන්දිනයක් ම වේවා............

හිතන හැමදේ සපල වේවා
පතන හැමදේ නිති ලැබේවා
සතුට සොම්නස උරුම වේවා
සුභ උපන්දිනයක් ම වේවා.............



තුෂාර විතාරණ



පසු සටහන - අද දිනට යෙදී අැති, කුරුට්ටන්ගේ ලොකු අක්කා වන කාංචනා චන්ද්‍රසේකරගේ උපන්දිනය වෙනුවෙන් කුරුටුගාන ලද කවියක්......... 


.

Thursday, July 23, 2015

ඉකිගහන හිත පාරගෙන නුඹ යන්න බැරි තැනකට ගිහිං ..............



ඉකිගහන හිත පාරගෙන නුඹ යන්න බැරි තැනකට ගිහිං
කොහොම ඉවසන් ඉන්නදෝ පුත ඉවසුවා මට හැකි තරං
අෑත දුරකට නුඹව යැවු පව විදෙව්වා පුත හදවතිං
හෙව් අම්මෙක් මෙහෙව් දුක්ගිනි විදින්නේ කොහොමද හිතිං .......

මූණ දැක්කම නැගෙන ගිනි ගොඩ කීරි ගැහෙනවා මයෙ හිතේ

නුඹව සිප සනසන්න බැරි නෑ න්න තුරුළට සුදු පුතේ
කැකෑරෙන දුක වාවගෙන මං කදුලු හංගන්නං හිතේ
හුස්ම අරගෙන නැගිටලා මට හිනාවෙන්නකො සුදු පුතේ ...........

පුංචි කිරිකැටි හිනා පෙන්නූ නුඹ අැයි ද මේ සැතපිලා

ලොවක් දිනනා තුරු හිටපු මම හීන අහුරක තනිවෙලා
මට කලින් නුඹ යන්න හිතුවත් කමක් නෑ පුත වැරදිලා
මාත් නතුරු ඉන්න මයෙ පුත කොහේවත් නොගිහින් බලා ..........


තුෂාර විතාරණ



.

Monday, July 13, 2015

හොරු කුඩ්ඩො වේ නං - නොමිනේෂනුත් දේ නං ...................



හොරු කුඩ්ඩො වේ නං
නොමිනේෂනුත් දේ නං
තොපිට උන් එපා නං
උන්ට ඡන්දය නොදී ඉඳහං...... 

පාර්ලිමේන්තුත් යා නං
සුදු රෙදිත් අඳී නං
තොපිට හිරිකිතනං
අැදන් ඉන්නා රෙදි ගලෝදාහං .........

අැමතිකං කරයි නං
වාහන වලත් යයිනං
තොපිට කරදර නං
පාර අතහැර කානුවල යාහං ........

පරපුරම ඒ නං

මල්ලිලා වැඩ නං
තොපිට බය හිතේ නං
ගේ තුළට ගොස් දොරං වහගං ........

රේඩියෝ බදු අරං‍
ටීවි වල ඉදියි නං
තොපිට ලැජ්ජහයි නං
ගෙදර බඩු ටික පොලේ ගාහං .......

රට උන්ට යා නං
උන්ම රජ කරයිනං
තොපිට ඉනු බෑ නං
මෙරට අතහැර එරට යාහං ........

තව ඡන්ද වේ නං
හොරු කුඩ්ඩෝ ඒ නං
නොමිනේෂනුත් දේ නං
ටිකට් අරං විත් ඡන්දෙ දාහං ........

කසුප් අනුරාධ



.

Saturday, July 11, 2015

හිතේ නැගෙනා හැඟුම එපා හංගං ඉන්න .........



අාදරය දැනේනම් දැනෙන දේ පවසන්න
කියන දේ වටිනවා නොවේනම් හංගන්න
ලෝකයම නැවතිලා ඔබ අැයව හමුවන්න
හිතේ නැගෙනා හැඟුම පා හංගං ඉන්න

අාදයර හරි රහයි වේදනා නොදේනම්
වේදනා බොහෝමයි අාදරය නොවේනම්
ජීවිතය සුන්දරයි විදින්නට හැකියිනම්
විවාවි ජීවිතය අාදරය නොවේනම්

හිතේ හංගං ඉන්න අාදරය පවසන්න
නේ දේ ඕන මිස පා යැයි නොකියන්න
මේ පුංචි ජීවිතය හිනාවෙන් ගතවෙන්න
පා ඔරවං ඉන්න හැකි තරම් හිනැහෙන්න .........


තුෂාර විතාරණ

.

Tuesday, July 7, 2015

කුරුටු පුවක් පුවක් කියා - සින්දුවකුත් රසට ගයා - හොදට ඉදුණු පුවක් හොයා - මේ දෙන්නා එගොඩ ගියා......



2014 වෙනතුරු

බොහොම ඉහත කොරවක්කා 
පුවක් මිලට ගෙන වික්කා
වැඩි කල් යන්නට මත්තෙන්
ලොකුම දියුණුවක් දැක්කා

2014 අග භාගය

ගමේ ගොඩේ අැවිදින්නයි
පුවක් මිලට අරගන්නයි
ඒ පළාතේ නම ගත්තේ
කොරවක් අඹු සැමි දෙන්නයි

කුරුටු පුවක් පුවක් කියා
සින්දුවකුත් රසට ගයා
හොදට ඉදුණු පුවක් සොයා
ඒ දෙන්නා ගොඩ ගියා

මේ කොරවක් මුදලාලී
පොඩි දරුවොත් දනිති ගමේ
ඔහුගෙ යාළු ඔරුකරුවෙකි
අදුනන කොට්ටෝරු නමින්

2015 ජනවාරි

පුවක් ගෝනි ගොඩ ගොඩේ
කඩ තියෙන්නේ මොගොඩ ගොඩේ
ඔරුවෙන් අරගෙන ඒමයි
දැන් කළ යුතු හොදම වැඩේ

මෙහෙම හිතා කොරවක්කා
කොට්ටෝරුව බැහැ දැක්කා
ඔරුවෙ පුවක් ගෝනි දමා
දෙන්න ම හි නැග ගත්තා

2015 අගෝස්තු වලින් පසු

ගගේ වතුර වැඩි වුණේය
ඔරුව බරට පරළුණේය
මේ දෙන්නා දෙවි පිහිටෙන්
දිවි රැකගෙන ඉගිළුණේය

කොරවක්කා වන වැදුණා
හිතේ අමාරුව හැදුණා
කුරුටු පුවක් පුවක් හඩින්
කවුරුත් ඔහු අැත හදුනා


කසුප් අනුරාධ


පසු සටහන - සැබෑ නිර්මාණය අැල්බට් ප්‍ර්‍රනාන්දු නිර්මාණකරුවාගේ වන අතර ම නිර්මාණයට කිසිදු අාකාරයක හානියක් කිරීමට මෙයින් අදහස් නොකරන බව ද ප්‍රකාශ කරමි....


.

Sunday, July 5, 2015

ළමා පිටිය......





ඉවාන් ඉවාන් ගල් ඉබ්බා
ගල උඩ තියලා වෙඩි තිබ්බා

..........................
සීනි වලට කූඹි වහල චෙරියෝ චෙරියෝ
සබරෙ ඇනෝ දැන් අඬනව අයියෝ අයියෝ
..........................
රෝස මලේ නටුවෙ කටු
බ්‍රා මෙන්ඩෝ ඔහොම හිටු
නටුව නොවෙයි මල සිඹිමි
මම ළමයෝ පැණි උරමි
.........................
හිනැහේවී ගස් ලබ්බා
ඇස් නටවා බල බලා
නැලවීයන් මා උකුළේ
දොයි දොයි දොයි දොයි බබා
.........................
ටක් ගානව ටික් ගානව
ටිකක් කනව දොර වහනව
අනේ දේශො අමල් බිසෝ
කතන්දරේ කියන්නකෝ
........................
කොටු වැටිච්ච පුංචි සරම - ඇඳන් නටන සඳරුවා
නිතර නිතර දබර කරන - මගේ මල්ලියා
මගේ සඳරුවා - සුරතලා චණ්ඩියා



සටහන : 'ගී පවුර' වැඩිහිටියන්ට පමණයි වීමේ අවදානමක් මතුවී ඇති බව පුංචි එවුන් විසින් නිරන්තරයෙන් චෝදනා එල්ල කරන්නට විය.  අපි කිසිදු විටක ළමා ලොව අමතක නොකරමු. එබැවින් දරු පැටවුන් උදෙසා මෙවර ඉඩ වෙන් කරන ලදී. තවද මෙහි නම් සඳහන් නොවු දරු පැටවුන් උදෙසා ඉදිරි කාලයේදී ඉඩ වෙන් කිරීමටද අනිවාර්යයෙන් බලාපොරොත්තු වෙමු.

අසංක ගයාන් අබේසිංහ

Friday, July 3, 2015

ලෙඩ තුනකි - රිපෝර්ට් ගොඩකි.............. තාමත් රිදෙන එකනම් මර දුකකි...........



පපුවට ටිකක් විතර පහළින්
හරිම කැක්කුමයි ඩොක්ට
රෑ හැදුනේ..... කෑම කෑවාම වැඩිවුණා
පිටින් අැල්ලුවාට රිදෙන්නෑ
ඉන්න හිටින්න බැහැ 
මොනවා හරි ඉක්මනට කරන්න ඩොක්ට

හ්ම්.............. ගැස්ට්‍රයිටීස්
මේ ටික ගන්න.
500යි.

ඊයෙත් බෙහෙත් ගත්තා
ඩොක්ට කිව්වේ ගැස්ට්‍රික් කියලා
ඒත් අඩුවක් නැහැ
හරිම කැක්කුමයි ඩොක්ට
ඉන්න හිටින්න බැහැ 
මොනවා හරි ඉක්මනට කරන්න ඩොක්ට

හ්ම්................... ගැස්ට්‍රයිටීස් නෙමෙයි
ගල් වගේ......
මූත්‍රා ඒකක් චෙක් කරගන්න
මේ ටික ගන්න.
500යි.

මිස් ඩොක්ට අාවාද?
තාම නැහැ. වෙලාවක් ගත්තද?
ඔව් ඊයේ කතා කරා
ඒහෙනම් 1000ක් දෙන්න
අතනින් වාඩි වෙන්න.

මිස්ටර් තුෂාර අැතුළට න්න.....
පපුවට ටිකක් විතර පහළින්
හරිම කැක්කුමයි ඩොක්ට
හැදිලා දවස් තුනයි
පිටින් අැල්ලුවාට රිදෙන්නෑ
ඉන්න හිටින්න බැහැ 
මොනවා හරි ඉක්මනට කරන්න ඩොක්ට

ඊසීජී ඒකක් ගන්න.
මූත්‍රා ඒකකුත් බලන්න
ඊයේ බලපු ඒක තියෙනවා
ඒක හරියන්නෑ අලුත් කක් බලන්න
මෙතනින් ම ගන්න පුළුවන්
ඉක්මනට අරන් ඒන්න

හ්ම්.................. විසබීජයක් ගිහින් වගේ
මේ ටික ගන්න
ටෙස්ට් වලටත් ඒක්ක 2000ක් දෙන්න.

දවස් තුනකි
දොස්තරලා තුනකි
ලෙඩ තුනකි
රිපෝට් ගොඩකි
තාමත් රිදෙන කනම් මර දුකකි........................


තුෂාර විතාරණ


.
Related Posts Plugin for WordPress, Blogger...