ලෙඩ තුනකි - රිපෝර්ට් ගොඩකි.............. තාමත් රිදෙන එකනම් මර දුකකි...........

පපුවට ටිකක් විතර පහළින්
හරිම කැක්කුමයි ඩොක්ට
රෑ හැදුනේ..... කෑම කෑවාම වැඩිවුණා
පිටින් අැල්ලුවාට රිදෙන්නෑ
ඉන්න හිටින්න බැහැ 
මොනවා හරි ඉක්මනට කරන්න ඩොක්ට

හ්ම්.............. ගැස්ට්‍රයිටීස්
මේ ටික ගන්න.
500යි.

ඊයෙත් බෙහෙත් ගත්තා
ඩොක්ට කිව්වේ ගැස්ට්‍රික් කියලා
ඒත් අඩුවක් නැහැ
හරිම කැක්කුමයි ඩොක්ට
ඉන්න හිටින්න බැහැ 
මොනවා හරි ඉක්මනට කරන්න ඩොක්ට

හ්ම්................... ගැස්ට්‍රයිටීස් නෙමෙයි
ගල් වගේ......
මූත්‍රා ඒකක් චෙක් කරගන්න
මේ ටික ගන්න.
500යි.

මිස් ඩොක්ට අාවාද?
තාම නැහැ. වෙලාවක් ගත්තද?
ඔව් ඊයේ කතා කරා
ඒහෙනම් 1000ක් දෙන්න
අතනින් වාඩි වෙන්න.

මිස්ටර් තුෂාර අැතුළට එන්න.....
පපුවට ටිකක් විතර පහළින්
හරිම කැක්කුමයි ඩොක්ට
හැදිලා දවස් තුනයි
පිටින් අැල්ලුවාට රිදෙන්නෑ
ඉන්න හිටින්න බැහැ 
මොනවා හරි ඉක්මනට කරන්න ඩොක්ට

ඊසීජී ඒකක් ගන්න.
මූත්‍රා ඒකකුත් බලන්න
ඊයේ බලපු ඒක තියෙනවා
ඒක හරියන්නෑ අලුත් එකක් බලන්න
මෙතනින් ම ගන්න පුළුවන්
ඉක්මනට අරන් ඒන්න

හ්ම්.................. විසබීජයක් ගිහින් වගේ
මේ ටික ගන්න
ටෙස්ට් වලටත් ඒක්ක 2000ක් දෙන්න.

දවස් තුනකි
දොස්තරලා තුනකි
ලෙඩ තුනකි
රිපෝට් ගොඩකි
තාමත් රිදෙන එකනම් මර දුකකි........................


තුෂාර විතාරණ


.