බත් කාලා කන්න පුඩිං..............................

මතකද මුල් ම කාලේ
හැම දේම අතට පයට
බත් එක බෙදලා දෙනවා විතරද
කවන්නද කියලත් අහනවා.
බත් කාලා කන්න 
පුඩිං, වටලප්පං, ජෙලි හෝ ගාලා.
සීනි වලට වතුර දාපු තේ ඒක 
අතට ම ගෙනැත් දෙනවා
පොවන්නැති ටික විතරයි ..........................

මතකද ඊට පස්සේ
සැලකිල්ල අඩුවුණාට
කෑම ටික නං රහට ලැබුණා
තේ එකත් වෙලාවට එනවා
ජෙලි පුඩිං නැතුවත් 
කෙහෙල් ගෙඩියක් තියෙනවා
කැටයං නැතුවට බඩ පිරෙනවා.......................

ඒත් දැන්
හදිස්සියකට කෝල් කරාට 
ෆෝන් එකවත් උස්සනවද ?
බත් කවනවා තියා 
බත් එක බෙදලාවත් දෙනවද ?
තේ .............
දෙතුන් පාරක් ඉල්ලනකල් ලැබෙනවද ?
මොන පුඩිංද
ටොපියක්වත් ගෙනැත් දෙනවද ?


තුෂාර විතාරණ



.