Saturday, January 25, 2014

කෑම වෙනුවෙන් දිවීම සහ කෑම දිරවීමට දිවීම ..................

ඇස් ගිලී හකු ඇට පෑදුණු,
කලු ගැහුණු මුහුණු වලින් වේදනාව බේරෙන,
නෙරූ කළගෙඩි වැනි බඩගෙඩි එල්ලාන,
කුරුටු කොන්ඩය නියෙන් කසමින්,
කොරළ පිපුණු කෝටු කකුල් වලින් පණගනිමින්,
ඉරටු කූරු වැනි ඇට ගැහුණු අත් දිගුකරමින්,
උන් දිවයති.........................
වේල් ගණනක් නොව දවස් ගණනක්,
අහරක් නොලද හිස් කුස් වෙනුවෙන්,
පාන් පිටි ගුලියක් හෝ ලැබේදැයි බලමින්.
උන් දිවයති.......................


මස් පිරුණු හකු එල්ලා වැටෙන,
බෙල්ලක් නැතුව කර මුහුණට පිම්බුණ,
පපුව බඩටත්, බඩ දණිහටත් බේරුණ,
කකුල් තරමේ අත් කොට ඇති,
ඉණ පනහේ කලිසම් ඇදගත්,
විකෘති වූ අගපසග ඇති,
උන් දිවයති .....................
මාස ගණනකට සරිලන කෑම
වේලට දෙකට ගිලදැමු බඩ වෙනුවෙන්,
තවත් වේලක් කන්නට ඉඩකඩ විවර කරගනු වස්,
උන් දිවයති .........................

තුෂාර විතාරණ

.

No comments:

Post a Comment

Related Posts Plugin for WordPress, Blogger...