කුරුටු ගෑ ගී පවුර: එහෙව් පෙම්වතියයි මා...................

Monday, August 31, 2015

එහෙව් පෙම්වතියයි මා...................

හැමදාම සිහිනයෙන්
නුඹට තරවටු කරමින්
හිතේ ඉඩ ඉල්ලා
හැඩූ පෙම්වතියයි මා...................

ගොළු උනත් හැබැහින්
නුඹෙ දෙනෙත් දකිමින්
දුරින් අත අල්ලා
තිබූ පෙම්වතියයි මා..................

නුඹ යනෙන විට තුටින්
වෙන අතක වෙලෙමින්
හීන පොඩි කරලා
දැමූ පෙම්වතියයි මා..................

ඉසුරිකා උත්පලානී

.

35 comments:

Nuwan SAugust 31, 2015 at 1:06 PM
වෙන අතක පැටලිලා ගියාට පස්සෙ හීන තවත් තියාගෙන ඉන්නවට වඩා පොඩි කරල දාන එක හොඳයි

සරලයි ලස්සනයි
ජයවේවා ගී පවුර තෘ ඉසුරිකා
ReplyDelete
Replies
yakageadaviyaAugust 31, 2015 at 1:18 PM
හීන කියන්නෙ අනුන් එක්ක තියන කොන්තරත්. ඉතින් ඒව නිතරම් අවදානම් තමයි. අනුන්ගෙ හිත් වලින් ඉඩ වෙන්කරගන්නෙ නැතිව අනුන්ට හිත කුලියට දෙන්නෙ නැතිව ඉන්න පුළුවන්නම් තමයි හිත නිදහස් වෙන්නෙ.
ReplyDelete
Replies
ThelydiyaAugust 31, 2015 at 1:41 PM
ජීවිතේම හීනයක්
හීන දැක දැක ඉඳල හරියන්නෙ නෑ.
ඒ වෙනුවෙන් වැඩ කොරන්නත් ඕනෑ
ReplyDelete
Replies
මිත්‍ර වර්ණ (සබරේ ඇනෝ)August 31, 2015 at 2:48 PM
නොකියාම ඇවිදින්
නොකියාම ගියත්
දැනුනේ නෑ තරහක් නම් මේ හිතට

අහිමි නිසා හීන පොඩි කරල දැම්මත්
ආදරේ තවමත් එහෙමමයි

දාල තියෙන ෆොටෝ එක දැක්කම හිතුනේ එහෙමයි කුරුට්ටෝ
ReplyDelete
Replies
සුරංග බංඩාරAugust 31, 2015 at 8:38 PM
පෙමි සිහින ගැන අගනා කවි පබැදුමක්.ඇත්තෙන්ම අගෙයි.බොහෝ දේ පද පේලි කීපයකින් කියලා තිබෙනවා.ඇත්තේන්ම ඒක තමයි දක්ෂ කම.මගේ හිතට සමීපව දැනෙන සීංදුවක් තමයි සුනිල් එදිරිසිංහගේ

සදාකාලීක නොවූ ලෝකේ සදාකාලීක ප්‍රේමයක්.........
සොයා නෙක ගමි දනවි පීරා ගෙවි කාලය සිහිනයක්...

වසර ගණනාවක් අතීතයට අපිව අරගෙන යන්න තරමි මෙ සිංදුවල පද මාලාව සමත් වෙලා තියනවා.ඒත් අද නව පරපුරේ බොහෝ ගායකයෝ විරහා ගීත ගායනා කරනවා කියලා කරන්නේ මර ලතෝනි දෙන එකයි.ඔය අතරේ සැබැම දක්ෂයොත් නැතිව නෙවෙයි.

ReplyDelete
Replies
DineshSeptember 1, 2015 at 3:13 AM
වෙන අතක එල්ලිලා ගිය දැකලා තාමත් ඒ හීනෙම ඉන්න එකනම් මෝඩ කමක්.. අලුත් හීනක් හදාගන්න උත්සාහ කරන්නයි තියෙන්නේ..
ReplyDelete
Replies
ඉවාන් පවුලූශාSeptember 1, 2015 at 5:13 AM
නියමයි ඉසුරිකා ,
ඔන්න ඔහොම හැමදාම කවි දාන්න , අර අසංකයටයි තුශාරයටයි පැත්ත පළාතේ එන්න දෙන්න එපා
ReplyDelete
Replies
UnknownSeptember 1, 2015 at 6:06 AM
එක්තරා මානවිකාවකගේ කවිය. කෙටි වුණාට රසවත්. කාන්තාවො හිතේ තියෙන දේවල් බොහොම අඩුවෙන්නොවැ හෙලි කරන්නෙ. ඒකෙන් පාඩුත් කරගන්නවා වෙලාවකට. ඒ වුණාට බොහොම දුරදක්නා නුවණක් සහ ඉදිරියේ සිදුවන අවදානම් ගැන මාර ඉවක් තියෙන කට්ටියක්නොවැ ඔය. පොඩි පසුතැවීම් තිබුණත් වුණු දේ හොඳයි කියල හිතහදාගැනීමත් එක්තරා හැකියාවක්.

ඉසුරිකා ලියන්න දිගටම. අර තක්කඩියො දෙන්නත් මතක් කලා කියන්න.
ReplyDelete
Replies
Yashyantha SrinathSeptember 1, 2015 at 6:45 AM
//හීන පොඩි කරලා
දැමූ පෙම්වතියයි මා// හැමදේම ජීවිතේට බාර අරගෙන හිත හදාගන්න පුළුවන්නම්... ඒත් අමාරුම දේත් ඒකම තමයි...
ලස්සනයි ඉසුරිකා.
ReplyDelete
Replies
MPP GunasingheSeptember 1, 2015 at 11:02 AM
//නුඹ යනෙන විට තුටින්
වෙන අතක වෙලෙමින්
හීන පොඩි කරලා
දැමූ පෙම්වතියයි මා..................//
සියලු සංවේදනා මේ පද කීපය තුළ පමණක් වුව මනාව සංයෝග කරන්නට ඔබ සමත්ව ඇත දියණි
ReplyDelete
Replies
AnonymousSeptember 1, 2015 at 12:21 PM
අරුං දෙන්නා දාන කයි මක්කයි ?
මෙන්න කයි..
නියමයි ඉසුරිකා ඈ...

ජ ය වේ වා !!!
-විදානේ...
ReplyDelete
Replies
එල ද බ්‍රා මෙන්ඩාSeptember 1, 2015 at 12:53 PM
අත්දැකිමෙන්..හදවතින්ම..බොක්කෙන්ම..
එල ද බ්‍රා වගේ ලියලා
ReplyDelete
Replies
ManojSeptember 1, 2015 at 1:34 PM
"හීන" හිත ඇතුලේම මරා දැම්මේ ඇයි පෙම්වතියේ ඔයා.
ReplyDelete
Replies