Tuesday, February 3, 2015

නොගැලවෙන ගැල පසුපසින් එනවා ...............



අනේක වු දුක් දරා හිත් අග
මහ මෙරක් බර රදා නෙත් අග
නොගැලවෙන ගැල පසුපසින් නවා
නොනිම් ගමනක ඔහේ අපි යනවා....................

සතුට සොම්නස හොයා වල් වැද
මුදල් වාහන ගෙවල් පොදි බැද
සදාකල් සැප නොදැක අපි යනවා
අැලී බැදෙනා දුක හොයා යනවා...................

ප්‍රේමයට යට වී හසුන් සිප
කාමයට හිත් දී විදින සැප
තව තවත් අපි දුකෙහි ගිල්වනවා
සදාකාලික සුවය හංගනවා.......................

නේක වර්ණින් දිලෙන ලෝකය
මතින් නැහැවී විදින කාලය
නොනවතින ගමනකට පණ දෙනවා
හිමි දෙසූ මග අතැර අපි යනවා.....................


කුගැගීප



.

21 comments:

  1. පිංතුරය වගේම කවි පෙලත් හිත නිවනවා.

    ReplyDelete
    Replies
    1. ඔව් මෙන්ඩෝ.................

      අපි දුවන්නේ බොරුවක් පස්සේ කියලා තේරෙනවා හොදට හිතලා බැලුවාම..........

      Delete
  2. පෝය පොස්ට් එකක් වගේ

    ReplyDelete
    Replies
    1. ඔව් ............ ඉවාන්...................

      පෝය දාටවත් අපෙත් අාගමක් දහමක් ගැන හිතන්න ඒපැයි නේද???

      ඉවාන් ප්‍රශ්ණයක් අහන්න තියෙනවා.. උඹේ බ්ලොගයෙත් මේක දැම්මා... දියතලාව ඒක්ක තියෙන සම්බන්ධය මොකක්ද මචං......

      Delete
    2. දියතලාව එක්ක තියෙන සම්බන්දෙ අපේ ලොකු අම්මලා ඉන්නේ දියතලාවේ , මම බදුල්ලේ .. ඒ මුකො බං

      Delete
    3. නෑ බං දියතලාවේ අාපු වෙලාවක කියපං....... මුහුණට මුහුණ හමුවෙතෑකි.................

      Delete
  3. සකිය සගව්වට රෝදය කැරකෙනවා..
    සසඳ සසඳ අපි මහ පාරේ යනවා..

    ReplyDelete
    Replies
    1. සංචාරකයා.............

      අැත්ත ඔ්ක තමයි.........

      Delete
  4. අපි අරමුණු ලෙස අල්ලගන්න හැම එකක්ම බොරුවක්.අපේ ව්‍යායාමය වෙන්න ඕන අරමුණු වලින් මිදෙන එක.එහෙම මිදෙනකොට තමයි සැනසීම ලැබෙන්නෙ.ඇත්ත ප්‍රීතිය ලැබෙන්නෙ ලැබෙනකොට නොවෙයි අතහරින කොට.අපේ හැම සිතිවිල්ලක්ම(අරමුණක්ම ) අපට බරක්.අපි සිතිවිලිවල සිරකරුවන්.සිතිවිලි (අරමුණු ) අපව නන්නත්තාරේ ගෙන යනවා.නැවතී සිට බලන්න පුළුවන් නම් අපට මීට වඩා සුන්දර ලෝකයක් දැකගන්න පුළුවන්.
    නිවන ගැනම නෙමෙයි මේ කියන්නෙ.අත්හැරීම ප්‍රගුණ කරන්න කියල.අත් හරින්න පුරුදු වුනහම උපේක්ෂාවක් අභ්‍යන්තර ප්‍රීතියක් භුක්ති විදින්න පුළුවන්.
    රටේ සුළු ප්‍රතිශතයක් හෝ එය ප්‍රගුණකරනවානම් විශාල පරිවර්තනයක් ඇතිවේවි.

    දන් සිල් භාවනා කියන එකේ භාවනා එන්නෙ අන්තිමට.භාවනාව අංක එකට ගන්න පුළුවන් නම් අත්වෙන විපර්යාසය විශාලයි.සිතනෙ සියල්ලටම වඩා ශ්‍රේෂ්ට වෙන්නෙ

    ReplyDelete
    Replies
    1. ඔබ සීයට සීයක් හරි ම.ම

      අපිට බැරිත් ඔය දේම තමයි.. අපි අනවශ්‍ය විදිහට දේවල් බදාගෙන ඉන්නවා.. අපි දවසින් දවස බැදීම් හොයනවා.. අැති කරගන්නවා.... ඉතින් අපි හැමදාම ජීවිතයත් ඒක්ක අැලෙනවා මිසක් අත්හැරීමට පුරුදු වෙන්නෑ...............

      Delete
  5. ඔව් අපි යනවා...
    සතුටයි කියල හිතාගෙන දුක හොයාගෙන.....
    ඒත්
    අපි කරන කියන හැම දේමත් අරගෙන...
    කවදහරි යන්නම යනවා..

    ReplyDelete
    Replies
    1. මිනිස්සුන්ට අමතක ඔය දේ තමයි මහේෂ්..............

      අපි කවදා හරි යන්න ඉන්න මිනිස්සු වගේ ජීවත් වෙනවානම් මේ ලෝකේ හරි ම ලස්සන තැනක් වේවි

      Delete
  6. පුන් පොහෝ දින දැහැමි සිතුවිලිවලින් සිත් සතන් පිරේවා !!!

    ReplyDelete
    Replies
    1. විදානේට අායෙත් පෝස්ටුවක් ලියන්නට සිතේවා.......... (අා...... සමපෝෂ ගුලිය ගැන නොලියැවේවා.)

      Delete
  7. හ්ම්.............අද පෝයදා පාන්දර එක බෝධි පූජාවකටත්, හවස හතට විතර තවත් බෝධි පූජාවකටත් සහභාගිවෙන්න ලැබුනා. මේ දෙක තිබුණේ එකිනෙකට කිලෝමීටර් 70 ක් තරම් දුර පන්සල් දෙකක. මේ දෙකේදීම ජීවිතය ගැන බොහොමයක් කරුණු මෙනෙහි කරන්නට ලැබුනා. මට වෙලාවකට හිතෙනවා සිතේ සැනසීමක් තිබෙන මේ කාලය මරණයට සුදුසුයි කියලා.

    ReplyDelete
    Replies
    1. සිතේ සැනසීමක් තියෙන ඒකේ සතුටෙන් ජීවත් වෙන්න විචාරක.... මැරෙන්න තව කල් තියෙනවා... පෝය දවසේ සහභාගී වෙන්න ලැබුණ අවස්ථාවනම් හොදයි... දුර වුණත් මොකද ජීවිතයට යමක් ඒකතු වෙනවානම්............

      Delete
  8. ලෞකික බැඳීම් වලින් මිදෙන්නනම් වෙන්නෙ නෑ මේ කපේදි. දැන් පටන් අරං ඉවර නිසා.

    ReplyDelete
    Replies
    1. ඔව් මාධවී .................

      ඒත් අපි කල්පනා කරලා බැලුවොත් අැලෙන්නැතුව හරි ඉදගඅැහැකි.........

      Delete
  9. අපි කොච්චර කරත් කොහෙන් හරි බැදීම් වලම හිර වෙනවා.. ඒක තමයි ඇත්ත..

    ReplyDelete
    Replies
    1. අැත්ත දිනේෂ්.............

      ඒත් අපි ඒක තේරුම්ගන්න අවශ්‍යයි... කිසිදෙයක් තේරුම් නොගෙන ඉන්නවාට වඩා ඒක තේරුම් අරන් ජීවත්වීම වැදගත්

      Delete
  10. මතු දවසෙක සසර දුක
    තත් පරිදි වටහා
    දකිනු වස්
    උතුමු වූ නිවන
    ටිකෙන් ටික හෝ
    අත්හැරීමමයි යහපත්

    ඔබේ නිර්මාණ අතරින් පතර
    දම් රසයත් දීම බොහෝ වටිනවා
    ජය!

    ReplyDelete

Related Posts Plugin for WordPress, Blogger...