සුළග එනු පිණිස
විචාරය කරන්නට
ලෙනින්එක පුරවා
මහා සෙනගක්
‘‘මේවා කුණුහරප
කනවා බොනවා
*කනවා විතරයි
කොහෙද චිත්‍රපටියක්‘‘
පළමුව කතාකළ
නලීන් ද සිල්වා
මහාචාර්ය තෙමේ
පලු යන්න බැණුමක්
ලේ රත්කරන්
පුටු උඩ නගිමින්
අසා සිටි අපෙන්
අත්පුඩි වරුසාවක්
නිහඩව බලාසිට
වේදිකාවට විත්
හදගම ගුරාගෙන්
අහපි පැණයක්
මේ වගේ දේවල්
සර් නොබැලුවත්
බැලුවාද චිත්‍රපටය
කරන්නට විචාරයක්
උත්තරය -
*&% *&*^ *&$% *&^ $#@ *&% #@$# &^%@ *%^$
නිදාන කතාව - කැළණිය විශ්ව විද්‍යාලයේ ලෙනින් එකේ (ලෙනින් එක කියන්නේ ධර්මාලෝක ශාලාවට කියන අන්වර්ථ නාමයයි) දෙතුන් දාහක් පුරවලා සුළග එනු පිණිස විචාරයක් තිබ්බා. මතක විදිහට ඒකට ධම්ම දිසානායක, මහචාර්ය නලීන් ද සිල්වා, අශෝක හදගම වගේ ම තවත් දෙදෙනෙක් විතර ඇවිත් හිටියා කථිකයෝ හැටියට. චිත්‍රපටය අධ්‍යක්ෂණය කරපු විමුක්ති ජයසුන්දර ඇවිත් හිටියේ නැහැ. සාමාන්‍යයෙන් අපි නලීන් ද සිල්වා මහාචාර්යතුමාගේ කතා අහන්න මාර ආසයි. ඒ වෙන මොකවත් ම හින්දා නෙමෙයි. ඒවායේ තියෙන කුණුහරප උද්වේගකර අවස්ථාවන් අහන්නයි. නලීන් ද සිල්වාගේ තියෙන අනික් ලක්ෂණය තමයි හරිම තර්කානුකූල ව ඕනෑම බොරුවක් ඔප්පු කර පෙන්වීම.
ධම්ම දිසානායක මධ්‍යස්ථ කතාවක් කරා. අනික් කථිකයොනුත් එහෙමයි. ඊට පස්සේ නලීන් ද සිල්වා කතාව පටන් ගත්තා. හ්ම්.... මේවා චිත්‍රපටිද...? මේවාට චිත්‍රපටි කිව්වොත් චිත්‍රපටි වලට මොනවද කියන්නේ....? මේවා කසිකබල් විකාර.... (මේ තමා නලීන් ද සිල්වා කතා කරන විදිහ. දත්මිටි කකා හ්ම් හ්ම් ගගා හෝ ගාලා බනිනවා. විචාරයක් හරි අදහස් ඉදිරිපත් කිරීමක් නෙමෙයි. ඔහු කතා කරද්දි අහගෙන ඉන්න ප්‍රිය ගතියක් එහෙම නැහැ. ඒත් අර බනින කොටස් වලට අපි මාර ආසයි. අනික තමා මේ වෙද්දි නලීන් ද සිල්වා කියන්නේ සයන්ස් ෆැකල්ටියේ මැත්ස් එකේ හෙඩ්. සයන්ස් ෆැකල්ටිය සහ අපේ අනික් ෆැකල්ට් අතර තිබුණ අල-පොදු ගැටුම නිසා අපිට වැඩිය මෙතුමාගේ කතා අහන්න ලැබෙන්නැහැ. චින්තන පර්ශදය කියලා සංවිධායක් හදාගෙන සතියකට සැරයක් විතර ජිම් කැන්ටිම ඉදිරිපිට දේශන තිබුණා. අපි ඉතින් හොරෙන් ගිහින් පිටිපස්සට වෙලා හැංගිලා ඕවා අහගෙන ඉදලා එනවා. ඒ යන්නෙත් බන්න කොටස් අහන්නම තමා.) මේ විදිහට හදගම දිහා බලාගෙන මේ හරකා ගගා බනිනවා. කෙලින් ම අත දිග් කර කර මේ ඉන්නේ බටහිර ගැති බල්ලෝ කිය කිය හදගමගේ දිහාට අත දිග් කරකර බනිද්දි අපිට මාර චූන්.
මේ විදහට බැනලා අඩියත් පොළවේ හප්පලා නලීන් ද සිල්වා බැහැලා ගියා. ඊට පස්සේ හදගම ආවේ අන්තිම කථිකයා හැටියට. හදගම කැළණියේ ම තමා. ඒ වගේ ම දන්න විදිහට (ඒ වෙලාවෙදි කණ වැකුණ විදිහට) හදගම කියන්නේ නලීන් ද සිල්වාගේ ගෝලයෙක්. ඉතින් හදගම ඇවිත් ඒ කාලේ ගැන ටිකක් මතක් කරලා නලීන් ද සිල්වාගෙන් ප්‍රශ්ණයක් ඇහුවා. දැන් මේ දේවල් මහා ලොකුවට විවේචනය කරන්න ඔබතුමා මේක බලලා තියෙනවාද???????? මේ ප්‍රශ්ණයත් අහලා ඔහු කතාව කරගෙන ගියා. ආයෙම වතාවක් ඉල්ලගෙන කතා කරන්න ඕනේ කියලා නලීන් ද සිල්වා වේදිකාවට ගොඩ වුණා. අපිට ඉතින් ෆුල් චූන්. ඊට පස්සේ අර ප්‍රශ්ණයට උත්තරයක් දුන්නා.
අනේ යකෝ *&^ මේවා විචාරය කරන්න මට මේවා බලන්න ඕනේ නැහැ. තොපි වගේ *&^% හදන ඒවා මොනවා ද කියලා මං දන්නවා. ආය මේක විචාරය කරන්න *&%$^ සල්ලි වියදම් කරලා මං මේවා බලන්නෑ *&^$.........
අපි පුටු උඩ නැගලා හූ කිය කිය ගැහුවා අත්පුඩි පාරක් හිටු කියලා........... ඒත් දැන් මේක මතක් කරද්දි හිනායනවා මිසක් ඉතින් වෙන මොනවා හිතෙන්නද නේද????????
බ්ලොග් අස්සේ කුරටු ගෑවෙන රැග් එක ගැන ටිකක් කියෙව්වා. ඒ අස්සේ විභියාගේ මේ පෝස්ටුවත් දැක්කා.
https://vibheeshana2.blogspot.com/2016/05/blog-post_8.html ඒ තර්කය දැකපු ගමන් ම මතක් වුණ මේ අත්දැකීම ලියන්න හිතුණා. ඒත් මේක ඒ කිසිවක් විවේචනය කිරීමක් නොවන බවත් කරුණාවෙන් සලකන්න.
ගිම්මිගේ අත්දැකීම - https://gimmigekolama.blogspot.com/2016/05/blog-post.html
ලේ ගේ පෝස්ටුව - https://lepataheena.blogspot.com/2016/05/wilpattuwill-vs-vat.html
නයිනාගේ පෝස්ටුව - http://naiyageni.blogspot.com/2016/05/blog-post_8.html
ට්‍රාන්ස්ගේ පෝස්ටු - http://transyl2014.blogspot.com/2016/05/blog-post_5.html
- http://transyl2014.blogspot.com/2016/05/blog-post_6.html
ගෝමස්ගේ පෝස්ටුව - http://chandimagomes.blogspot.com/2016/05/the-ugly-face-of-ragging-in-sl.html
කතිකා හී පෝස්ටුව - https://kathika.wordpress.com
තුෂාර විතාරණ
.
