අතීතය අායෙමත් අායෙමත් මැවෙනවා...................

නිදහසේ දුව පැන්න දවස් හිත තියෙනවා
ඒ දවස් යළි යළිත් මැවී හිත රිදෙනවා
කොයි තරම් කැප කළත් තව තවත් යදිනවා
කරන්නට හැකි දේත් බැරි දේත් තියෙනවා

හමන හුළගක රැදුණු නිදහසත් දකිනවා
සරන සියොතුන් කියන කතාවත් අහනවා
සල්ලි කොළ මිටි වලින් ඉහේ ගොඩගැහෙනවා
ගෙවල් වාහන බරට උරපත්ත රිදෙනවා

අතේ සතයක් නැතිව වින්ද දුක් හරි රහයි
කන්න වේලක් නැතුව විදෙව්වට සුන්දරයි
නිදහසේ අැවිද ගිය හැටි හිතට ගතු කියයි
ජීවිතය නැති කරන් ජීවිතය හොයාගයි

අලුත් පෙම් කුරුල්ලන් දසඅතේ සරනවා
උන්ගෙ ජීවිත මලක පෙති වගේ දිලෙනවා
අාදරෙන් හිටපු හැටි නෙත් ඉමේ දකිනවා
අතීතය අායෙමත් අායෙමත් මැවෙනවා ...........................


තුෂාර විතාරණ


.