සීතල කොපුල් සනහා
ඉහිරෙන කඳුළු නදියේ
මතක පෙණ පිඩු අතරින්
මැවේ නුඹ රුව දෙනෙතේ...............
දුන්න හසරැල් වේදනාවේ
යන්න මං මග බලන් උන්නත්
යල් පනිණ ඒ පැතුම් ගුළිකර
හිතේ පතුළෙම හංගලා...............
මගේ ජීවිත අඳුරු කුටියෙම
මගේ හිත අද තනිවෙලා
ආදරේ පෙර අංශුවක්වත්
දුන්න නම් මට ළංවෙලා..............
නුඹේ අන්තිම හාදුවෙන් මගේ
හිතේ දුක යයි දුරුවෙලා............
ඉසුරිකා චූලරත්න
.
ඒ බං ඔය කියල තියෙන්නේ නෙක්ස්ට් ඉනිග්ස් එක පටාන් ගන්න කියල නේ... ඇතත්මෙ මේ ඒකාකාරි වචන සැට් එක කවි වලට හරි බරක්... (ඔය අය කවි ලියන්නම උපන් අයයි කියලයි මගේ උපකල්පනය) හැක්..
ReplyDeleteදේශකයා..................
Deleteස්තූතියි අගය කිරීමට..................... තේරුණේ නැති දෙයක් තියෙනවා...
//මේ ඒකාකාරි වචන සැට් එක කවි වලට හරි බරක්//
මොකක්ද මේකෙන් කියන්නේ??? මොකක් හරි ඔබ දකින් වෙනස් විය යුතු දෙයක් තියෙනවා ද ????
මුං කවි ලියන්නම උපන්නෝ වෙමු !!!,
Delete(ආක්‍යාතේ ගැන එච්චර හිතන්න එපා)
ස්තූතියි විදානේ....................
Deleteඔය වගේ කතා කියනවානම් ඉතින් අපි ආඛ්‍යාතය අනං මනං හොයන්න යන්නෑ ............. ෂුවර්...............
මට හිතෙන්නේ දේශ කියන්නේ මේ වචන සෙට් එක ගැන.
Deleteසීතල කොපුල්/ කඳුළු නදියේ/ පෙණ පිඩු/ නුඹ රුව /හසරැල් /වේදනාවේ/ පැතුම් ගුළිකර/හිතේ පතුළෙ/ අඳුරු කුටියෙම
තනිවෙලා/හිතේ දුක / දුරුවෙලා............
මට හිතුනෙත් දේශක අංකල් කියන්න හදන්නේ ජීවන කියනදේ කියලා.
Delete@ ජීවන සහ අරූ...................
Deleteස්තූතියි මග පෙන්වීමිට....
//ආදරේ පෙර අංශුවක්වත්
ReplyDeleteදුන්න නම් මට ළංවෙලා..............//
චැහ් කවුද ඇත්තට මේ කෘෘෘෘෘෘෘෘෘෘෘෘෘෘරයා අහුවෙද්දෙන්කෝ ඕකව...
ජ ය වේ වා !!!
විදානෙටත් තරහා යනවා නේද??? ඒත් මං කල්පනා කරේ විදානේ ඔච්චර තරහා ගන්න ඕනේ නම් මං කොච්චර තරහා ගන්න වෙනවාද කියලයි????
Deleteඒකනොවැ මට වැඩිපුරම කේන්ති... බ්බව් වව්.....
Deleteඒක මිසක්..........................
Deleteනැත්තම් මං බැලුවේ විදානි ව හොයලා විදානෙගේ සහකම්පනය ගැන කියලා ස්තූති කරන්න කියලා................
විරහ වේදනාව, විරහවේ රසය, විප්‍රලම්භ ශෘංගාරය, කවදානම් නිමක් වෙයිද. ඇත්තෙන්ම එය කෙතරම්ම මිහිරිද. මිහිරක් වන වේදනාවක් වේනම්, එය විරහවම තමයි.
ReplyDeleteවිප්‍රලම්භ ශෘංගාරය....
Deleteහරි ලස්සන වචනයක්.. . වියෝගය නොහොත් අහිමි වීම තුළින් ජනිත වන්නා වූ සංවේදනාව විදීම මෙහි දී සිදුවේ.... යමක අහිමි වීම දුකකි.. නමුත් එයද එක් ආකාරයක විදීමක් වේ. එය නිර්මාණාත්මක ව ඉදිරිපත් කිරීමද එක් ආකාරයක නිර්මාණකරනයකි. එවැනි නිර්මාණයන් විප්‍රලම්භ ශෘංගාරයට අදාලයි...
හරිම අගේ ඇති කමෙන්ටුවක් මනෝ්ෂ්......... ස්තූතියි
ලස්සනය කව, ලියනු මැන තව, තවත් පදවැල් අමුණලා හෙට.... ! :)
ReplyDeleteඔබේ ඒ වදන්...
Deleteඒවි දිරි අරන්...
ඉතින් නොහැකි ද පද බඳින්නට
කවි කතා පැල් බැදන්...........
අන්තිම හාදුව හරිම අපූරුයි
ReplyDeleteඒ කියන්නේ නලියා සිද්ධිය දන්නවා වගේ.............
Deleteඑබි එබි දුකෙහි සුසුම් හෙලමින් හඬනා පවුරට ආමී
ReplyDeleteතැබි තැබි සටහන් කියවූ කල් මේමා පදිමුත වීමී
නොබි යව සොම්නස් වෙයන් පියඟනියේ හිත කාමී
අබි නව දිවිය සතුටින් හිදින් මා සුබ පැතුමන් පාමී
සිඹ තොල් යුග්ම අනුරාගෙන් මන්මත් කරවූ ද
අඹ ඵල වගෙම මිහිරසයෙන් ගතසිත පිනවූ ද
සබ යේ අපව මෙලිසින් හොල්මන් කරවු ද
නුඹ හාදුවක් ඉල්ලා හඬවන ඒ ඔහු කව්රූ ද
සිතු විලි වෙන්නෙ ලොව පෙම් ගඟ කළඹවන නල
කිති කැවි යන්නෙ සියොළඟ ඔහු වැළඳ ගත්ත කල
පති නිය යන්නෙ අරුත නුඹ විඳිනා මොහොත තුල
ඇති වෙද දන්නේ නැහැ මමනම් එක හාදුවක බල
හරිම අගේ ඇති කවියක් සොමියා........ ඔබ සතු කවි හැකියාව ඉතා ඉහළයි.. ඇත්තටම මෙවැනි පද පෙළක් ගොතා කමෙන්ටුවක් ලෙස සටහන් තබන්නට තරම් ඔබ නිහතමානී වීම ගැන ඔබට අපේ ප්‍රණාමය සොමියා..........
Deleteඇත්තට ම ස්තූතියි අපේ කවිය තව තවත් රසවත් කරාට..........
ඇත්තටම ආදරෙන් අංශුවක් හරි හරියටම දෙන්න පුළුවන් නම් කොච්චර වටිනවද ?
ReplyDeleteඅන්න ඉවාන්ට ඒක තේරුණා........ මං දැනන් හිටියා ඉවාන් ඕවා දන්නවා කියලා....................
Deleteහෑ ...... :O , හපොයි කාටවත් කියන්න එහෙම එපා :D
Deleteකාට කියන්න ද ඉතින් දැනටමත් විදානයා එහෙම සිද්ධිය දන්නවා.. ඒ කියන්නේ බීබීසී වගේ තමයි...................
Deleteනින්ද නැති රැයේ සඳ කඳුළු මීදුමේ
ReplyDeleteහැංගිලා අඬන්නෙ ඇයිද ප්‍රථම ප්‍රේමයේ
තාරකා දියේ ගිලී නිල් එළිය නිවේ
වැහි බිංදු වැටේවි රෝස පෙති කඩා හැලේ
කිළිපොළා සැලී යමින් නොහයිම් සීතලේ
තුරුළු වෙමි දෙනෙත් පියා ඔබගෙ උණුසුමේ
ජීවිතය ඉතින් අපේ සිහිනයක් නොවේ
හෙට උදේම අවදිවී යා යුතුව තිබේ
රැය ගෙවේ සඳත් නිවේ දුරයි ජීවිතේ
ඉතින් අවසරයි මගේ පුංචි කුමරියේ
කටුවලට දෙතොල් තියා මලක් නැති ගසේ
සිඹිමි එකම හාදුවයි සොඳුර ඒ මගේ
කපුගේ මහත්තයාගේ හඩින් රසවත් වුණු මේ ගීතය ඇත්තටම හදවතට කතා කරපු ගීතයක්. විශේෂයෙන් ම තරුණ හදවත් වලට...... නමුත් මේ ගීතයේ අර්ථය ගැන කතා කිහිපයක් ම තියෙනවා... අපි බලමු අපේ සගයෝ ටික ඒ ගැන මොකද කියන්නේ කියලා....
Deleteමට නම් ආදරේ අංශුවක් වැඩක් නැහැ.සම්පුර්ණ පිරුණු ආදරයක් මිසක.මොකද එහෙම නැතිනම් නිතරම හිතෙන්නේ අර තියෙන අංශුව ගැන නෙමේ නැති ටික ගැන.
ReplyDeleteමනෝජ්..............
Deleteඒ කතාවෙත් ඇත්තක් තියෙනවා.. ඒත් අංශුවක් වත් නොලැබුණහම මෙහෙමත් හිතෙනවා......
ආදරේ බිඳක් ඇති සසරම සැනසෙන්න!
ReplyDeleteඔය ඉන්නේ සාක්ෂි................. ප්‍රියාට තේරෙනවා අපි කියන්න උත්සහ කරපු දේ... අත්දැකීමෙන් වෙන්ටෑ
Delete/ආදරේ බිඳක් ඇති සසරම සැනසෙන්න!//
Deleteඋඹ බිංදුවක් තියාගෙන මට ඉතුරු සේරම දෙන්න කියපිය
මෙන්න ප්‍රියා...................... විදානයා පවුල් කඩන්න පටන් අරාාාාාාාන්
Deleteඋන්මාද සිතුවම් මැවී පෙනේ
ReplyDeleteමීදුම වලා මැද අතීතයේ
බිඳුණු පෙමින් ගිණිගත් හදවත්
තනිවේවි එක්ටැම්ගේ
දහසක් මල් මැද එකම මලයි පැතුවේ
එමල කිමද සරදම් කොට සැඟව ගියේ
දැනේ තවම මට මලේ සුවඳ පොද
තනිවේවි එක්ටැම්ගේ
අනන්ත සයුරේ බියකරු දිවි දියඹේ
පාළු හුදකලා සුළඟ පමණි උරුමේ
හඞා වැටෙන් සිත සදාසරණ මට
තනිවේවි එක්ටැම්ගේ
දහසක් මල් මැද එකම මලයි පැතුවේ
එමල කිමද සරදම් කොට සැඟව ගියේ
දැනේ තවම මට මලේ සුවඳ පොද
තනිවේවි එක්ටැම්ගේ
පද රචනය : සුනිල් ආරියරත්න
ගායනය : ගුණදාස කපුගේ
සංගීතය : සරත් දසනායක
ස්තූතියි මනෝෂ්.................
Deleteකවියේ රසය තවත් වැඩි කරන්නට කරපු එකතු කිරීමට............
කුසගින්නෙ ඉන්න කෙනෙකුට පාන් වාටියක් ලැබුනත්, ඒක රජ බොජුනක් වගේ ... ආදරයත් ඒ වගේ... අංශු මාත්‍රයත් මහමෙරක් වගේ දැනෙනවා. හැබැයි බොහෝ වෙලාවට විරහ වේදනාව විඳින්න වෙන්නෙත් , ඒ අංශු මාත්‍රික මායවට රැවටෙන නිසා වෙන්නැති ...
ReplyDeleteකොණහන්න එපා
විටින් විට
සුවයක් යැයි සිතා එය...
ආයෙත් පෑරේවි
සුව වෙමින් තිබු
තුවාලය...
සඳරු...................
Deleteහරිම වැදගත් අදහස් ටිකක්.. වගේ ම ලස්සන කවියක්........... ස්තූතියි සඳරු අදහස් දැක්වීමට..............
අමතක කරපු හංගලා තියපු හිතේ කෝනක සියුම් රිදුමක් ඇතිවෙලා නැතිවුනා..
ReplyDeleteඑල ද බ්‍රා
අපි හැමෝට ම එහෙම අත්දැකීමක් තියෙනවා.. සංජීවට ඒක මතක් වුණ එකත් අපිට සතුටක්. මොකද ඒකත් එක ආකාරයක විඳීමක් නිසා...........
Deleteස්තූතියි සංජීව
ආදරේ ඇතුලේ සතුට වගේම දුකත් තියෙනවලුනේ ... පද වැල් ටික නම් අපූරුයි..
ReplyDeleteස්තූතියි තුශානි...........
Deleteහැමදාම වගේ අපේ කවිපද අගය කරමින් අපිව දිරිගන්වනවාට..............
ගිමන් හරින දියඹ දිගේ..
ReplyDeleteසුසුම් හෙලන වෙරල ඉමේ..
බැසයන හිරු අඩැසි සඳට රහස් කියනවා..
සඳ ආදරයෙන් අහස පුරා රටා මවනවා...
හිත් දැහැනේ වෙලී තිබුණු..
නෙත් දැහැනේ ගලා හැලෙන..
මියැදෙන්නට බලා ඉදපු ආදරයද මේ..
කිදු රහසේ කියා දුන්නු ආදරයද මේ...
නිල් කටරොළු නිල නැහැවුන..
මල් ගව මෘදු සුව රැදවුන..
තොල් පෙති කල් ඵලදාලන ආදරයද මේ..
නුඹ රහසේ කියා දුන්නු ආදරයද මේ..
ගායනය - ඩබ්ලිව් ඩී අමරදේව
පද රචනය - ජානක සිරිවර්ධන
සංගීතය - අරුණ ගුණවර්ධන
සින්දු ....................
Deleteමේ ගීතය ගැන හිතේ තියෙන හැගීම හරිම රසවත්... ඇත්තට ම මේ ගීතය හිතට දැනුණ ගීතයක්.. ඒ වගේ ම රසවත් පදවැලක්. අමරදේවයන්ගේ හඩ ගීතය පුරා මහා බරපතල හැගීමක් ජනිත කරවනවා.......
සින්දු ඇනෝ මේ ගීතය ම බාචි සුසාන් කියන එකකුත් තියෙනවා. මේ ගීතය අමරදේව ශූරීන්ගේ තමයි. ඒත් මොකක් හරි වැඩසටහනක දී බාචි මේ ගීතය ඉතා මිහිරිව ගායනා කරනවා. ඒ ගීත දෙක එකවර ඇසුවාම දැනෙන වින්දනය හරිම මිහිරියි.................. ටිකක් හොයලා බලන්න... ගීත දෙකම රසවත්..............
https://www.youtube.com/watch?v=RZiRVVKiXkw
Deleteආදරේ කරනකොට දුක සතුට දෙකම තියෙන්න ඕනෙ.මොකද නැත්නම් කිසි රසයක් නැහැ.
ReplyDelete