පැටිස් ඩීසල් වලින් බදිනට බැහැලු මුදලාලියා කියයි .....

බැහැලා පෙට්රල් බැහැලා ඩීසල්
දැන් යාවි මිල අඩු වෙලා
නගින කොට තෙල් නගින බඩු මිල
බහින කොට නැහැ අඩු වෙලා

ගියෙමි කඩයට හාල් තෙල් පොල්
සතේකින් වෙනසක් නැතේ
දවල් කෑමත් පැටිස් ෂෝටිස්
තිබුණ ගානට වැජඹෙතේ

රෝද තුනකට ගොඩවුයෙමි මං
වෙනදා වාගෙම අසූවයි
ගොඩවූ බසයෙන් අඩුව ගත්තේ
රුපියලක් වැනි සොච්චමයි

මෙතෙක් කල් තෙල් නැග්ග විට නැග
ප්‍රවාහණ වියදම හොයයි
පැටිස් ඩීසල් වලින් බදිනට
බැහැලු මුදලාලියා කියයි

ගියෙමි කඩගානේ ඒහෙත් නැත 
අඩුවෙලා බඩු මිල ගණන්
මිල බැහැපු කඩ එකලු අැත්තේ
වතුර වලකින් වටකරන් ..............................


තුෂාර විතාරණ


.