හෝව්...... හෝව්......!!!

නින්ද නොයන ලෙඩක් තිබුණ එක මිනිහෙක්
ඒකට බෙහෙතක් ගන්නට හිතා ගොඩක්
දොස්තර කෙනෙකුන් හමුවට යයි දවසක්
ගන්නට මේකට හොඳහැටි නිදි බෙහෙතක්

දොස්තර ඇහුවෙ ලෙඩ හොඳ හැටි ළං වීලා
නැවත නැවත රෝග නිදන් හාරාලා
එයින් එළිවුණේ යළි යළි විමසාලා
මානසිකව කළ හැක මෙය සකසාලා

තමුන් කළ යුතුයි මේ ලෙස නිසි අයුරින්
සැතපිය යුතුය ඇඳ මත හිඳ උඩුබැල්ලෙන්
සිහි කරද්දි මා කියනා මේ විලසින්
නිදි දෙව් දුව පහස ලැබිය හැක විගසින්

කකුල් දෙකේ නියපොතු වල මුල හරිය
පටන් එකට ඉහළට එන වපසරිය
සිහිකරමින් එකින් එකට අවයවය
හිතෙන් ඒව සිදුකළ යුතු වෙයි දොයිය

ඉතින් අපේ රාළහාමි දැන් සොඳිනා
ගෙදර ගොහින් උඩුබැල්ලෙන් වී හිඳිනා
සිහිකරමින් අවයවයන් එක පෙළිනා
එකින් එකට මානසිකව නිදි කරනා

සිටින විටදි ඔහු සිතුවිලි ඕවිල්ලේ
ඔහුගෙ බිරිඳ ලැසි ගමනින් නැළවිල්ලේ
දුහුල් ඇඳුම රුසිරු සිරුර වනමින්නේ
පැමිණ ඉතින් එහෙට මෙහෙට ලතවෙන්නේ

තවම නින්ද නොගිය ඔහුගෙ ඇස් ගෙඩිය
දුටුව විටදි බිරිඳගෙ හැඩ වැඩ බොඩිය
පිස්සු තදවෙලා සිදුවිය මළ කෙළිය
කෑ ගැහුවේ ඔහු මේ ලෙස හිටි හැටිය


හෝව්...හෝව්...සේරමල්ලා නැගිටපල්ලා...නැගිටපල්ලා...අද නිදාගන්න හම්බවෙන්නෑ...!!!



-අසංක ගයාන් අබේසිංහ-